Se muestran los artículos pertenecientes a Diciembre de 2007.
01/12/2007
EL DIARIU DE PETISO
06/12/2007
El CAO dirá en primavera al parlamentu européu pa informar sobre la llingua asturiana (www.asturnews.com)
El Conceyu Abiertu pola Oficialidá (CAO) va dir al parlamentu européu na primavera pa informar a los diputaos de la UE sobre la situación de la llingua asturiana, sigún dió anuncia esti miércoles el voceru del colectivu, Fernando Ornosa. El CAO axunta a más de 250 organizaciones, firmantes d'un manifiestu a favor de la oficialidá de la llingua asturiana qu'esti martes se llevó hasta Bruseles.
Ornosa anunció nuna rueda de prensa que la intención del CAO ye solicitar la intervención de la UE y ve "mui posible" que la mesma se produza tres del conceyu qu'ayeri martes caltuvo en Bruseles con responsables de la Comisión Europea de Multillingüismu, a la qu'entregó dos informes n'asturianu y n'inglés sobre la situación de la llingua asturiana, ún d'ellos a nivel xeneral (políticu, alministrativu y social) y otru a nivel educativu, según informa Europa Press.
"Tamos ya faciendo xestiones y prevemos que la intervención se produza na primavera del 2008, coincidiendo col momentu central del procesu de reforma del Estatutu d'Autonomía d'Asturies", comentó Ornosa, calculando que'l memsu seya "n'abril". Na declaración parlamentaria, el CAO va denunciar públicamente la "falta d'oficialidá" de la llingua, situación cola que'l so voceru entiende que se ta incumpliendo "l'artículu 3 de la Constitución Española"..............
11/12/2007
El Partíu Popular va pidir l’usu del asturianu nes actividaes y denomación del RIDEA
El Real Institutu d’Estudios Asturianos, oficialmente col nome en castellán, convocó apocayá elecciones a Director de la institución y dende’l 29 de payares ta abiertu’l plazu de presentación de candidatures, que va finar el 15 de xineru de 2008, proclamándose definitivo los candidatos el 25 de xineru. Humberto Gonzali, Miembru de Númberu de Representación designáu pol PP, va presentar una propuesta que pretende “asturianizar” la institución, hestóricamente a la escontra de la normalización llingüística. El xueves 31 de xineru va celebrase la votación ente los Miembros de Númberu del Conseyu Xeneral, que son los que componen el censu electoral y con motivu d'esti procesu, el Grupu Parlamentariu Popular, va presentar un conxuntu d'iniciatives a los demás Miembros de Númberu.
Estes iniciatives formen un propuesta conxunta na que se pide, ente otres coses más, que s'avale la denominación billingüe del Institutu, que se proceda al usu de la llingua asturiana, “polo menos” a igual nivel que'l castellán, na retulación y impresos, y que se promueva l'usu del asturianu en toles actividaes a desarrollar. Igualmente Gonzali va solicitar un mayor averamientu del RIDEA a la sociedá, implicándose en tou tipu d'eventos culturales, asina como l'entamu d'actos per tola xeografía de la comunidá autónoma.
|
13/12/2007
Seguimos cola selmana "popular": El rpimer casamientu nel Conceyu de Xixón va oficiala la portavoz popular Pilar Fernández Pardo (www.asturies.com)
La conceyala y senadora xixonesa del Partíu Popular Pilar Fernández Pardo va ser la primer persona del so partíu qu’oficie una boda n’asturianu en conceyu de Xixón. Ello va ser esti sábadu na casa conceyu de la ciudá, onde la xefa de la oposición va ser la encargada de presidir un enllaz matrimonial na casa conceyu de la ciudá. Pilar Fernández Pardo yá fexera una intervención pública n’asturianu con motivu del so ingresu na Fundación Caveda y Nava,entidá comprometida cola defensa del asturianu. Nun ye la primer vegada qu'un cargu públicu d'esta formación casa n'asturianu, y asina ye que l'actual Alcalde de Gozón pol PP, Salvador Fernández, yá lo fexo siendo conceyal de la oposición.20/12/2007
CINE N´ASTURIANU
24/12/2007
Asturies pierde millones d´euros pa producción cinematográfica por nun ser la llingua asturiana oficial (pa que depues digan que nun val pa nada)(www.asturnews.com)
La recién aprobada Llei del Cine inclúi un artículu pol que se va crear en 2009 un fondu económicu específicu pal cine en llingües distintes al castellan, con una dotación máxima de 11 millones d'euros anuales. Asturies va quedase ensin el trozu de tarta por nun declarar oficial l'asturianu nun momentu en que se diz impulsar el sector audiovisual.
La creación del fondu pa sofitar al 50% por parte del Estáu toles ayudes que quieran ufiertar les comunidaes autónomes nel casu de que la película se faiga nuna llingua oficial diferente del castellán, dexa ensin perres del Estáu a les películes que se faigan n'asturianu, nun exemplu más de los perxuicios económicos que supón el fechu de que la llingua de nueso nun tenga calter oficial.
28/12/2007
Gustavo Bueno súmase a la reivindicación pola oficialidá del asturianu (www.asturnews.com)
31/12/2007
Dende http://asturies.blogia.com deseámoste ¡¡¡ BON AÑU 2008!!! (Y pedimos-y a los reis magos un estatutu con oficialidá de la llingua, nacionalidá histórica, etc....
.