1. ¿Como ves la evolución de la reivindicación llingüística nos 30 años de democracia?. ¿Avánzase o vamos p'atrás? Suerte na manifestación. Ellí taré a les 6 de la tardi.
Lo primero gracies por tar nesa manifestación que queremos que seya la mayor na historia de la reivindicación de la llingua asturiana. Yoc reo que sí, avánzase. Cuéstanos muncho en xeneral a vanzar a los asturianos en cualisquier cuestión y especialmente na oficialidá de la llingua asturiana pol enfotu que lleven poniendo durante toos estos años los dos partíos mayoritarios, PSOE y PP, pa impedir de dalguna manera que la llingua asturiana seya visible, arrequexándola nun espaciu d'un colectivu, marxinándola y en definitiva. Pero en denifitiva, avánzase, anque despacín.
2. Esto de la oficialidad ¿obligaría a nuestros hijos a estudiar todas las asignaturas en Asturiano? si o no,
El mitu de la obligación hai que plantegala xustamente a revés. Nesti momentu hai unos ciudadanos n'Asturies que tán discriminaos por razón de la llingua que falen, y que polo tanto tán obligaos a nun poder exercer llibremente'l derechu a falar nesa llingua dientro de la comunidá na que viven. Y non, la oficialidá nunca obliga, reconoz derechos de los ciudadanos.
3. ¿Van tar representantes de PP, PSOE ya IU na manifestación? ¿De los aconceyamientos con estos partíos sacóse dalguna cosina positiva encuantes a la oficialidá?
Individualmente va haber representación d'esos partíos,incluso nel casu del PP, va haber dalguna sorpresa na manifestación. Nel casu del PSOE ye más complicaoporque nesti momentu la FSA impide a cualisquier cargu del partíu que salga públicamente defendendo la oficialidá de la llinguas asturiana. El PP dio pasos camín de la oficialidá, que nun son suficientes entá, mientres qu'el PSOE tien una posición zarrada, inamovible, con falta de talante y de diálogu, asitítiandose asina nun tarrén poco democrárticu al nun querer recibir a una plataforma qu'axunta a más de 250 organizaciones ciudadanes.
4. Nel PP paez que se tan dando pasos hacia'l sofitu a la cooficialidá. Nes sos files destaquen cargos con una llarga trayeutoria asturianista como Humberto Gonzali en Xixón y Felechosa n'Uviéu. Pilar Fernández Pardo ye patrona de la Fundación Caveda y Nava. Gabino de Lorenzo fai últimamente guiños favoratibles a la llingua. ¿Ye'l PP un fautor clave pa camudar la situación actual de la llingua?
El PP ye imprescindible pa qu'haya oficialidá n'Asturies. Son munches les persones y los cargos d'esi partíos que dan pasos y se posiciones públicmente favoratibles a que l'asturianu seya llingua oficial. Ensin embargu la dirección del partíu ta nesti momentu nuna indefinición respecto a esti asuntu. Ensin dicir que non, tampoco diz que sí. Lo que ta nidio ye lo que diz nel programna electoral a les últimes elecciones autonómiques nel que fala de que l'artículu 4 del Estatutu tendrá que recoyer un marcu llegal nuevu que garantice que tolos asturianos tean a gustu dientro del Estatutu. Ensin falar d'oficialidá reconoz qu'hai que dialogar pa solucionar un problema.
5. Creo que é momento de plantearse desde todos os ámbitos a oficialidá de unha lengua que nunca tuvo o reconocemento que merece calquer lengua por muy minoritaria que sea. O gran problema en Asturias é que nun ten nada que ver o que se fala na cuenca minera por exemplo o que se fala no occidente astur. ¿De qué forma crees que poderíamos conseguir a oficialidá respetando os diferentes tipos de fala existentes pa que todos e todas os asturianos/as puidésemos reivindicar a nosa asturianía sin complexos e poder así facer frente a intromisión galega no occidente?
El testu fundacional del añu 2004 del Conceyu Abiertu pola Oficialidá reconoz que la llingua asturiana tien que ser oficial, y el gallego-asturianu, tamién nel Navia-Eo. Nel CAO hai un consensu a la hora de reconocer tola realidá llingüística d'Asturies. Y lo que pidimos a los políticos asturianos ye que garanticen los derechos civiles de los falantes d'asturianu tean nel territoriu que tean. Un saludu pa tola xente de la parte más occidental d'Asturies y gracies por siguir alantre na reivindicación llingüística del gallego-asturianu y que nun pierdan cuidao que vamos tar defendendo los sos derechos llingüísticos en cualisquier de les negociaciones que llevamos a cabu pa solucionar la redacción del artículu 4 del estatutu d'autonomía na próxima reforma estatutaria. Amás, nel CAO trabayen munches persones y asociaciones de toles partes d'Asturies y tiense en cuenta la manera de sentir en tema llingüísticu en tol territoriu asturianu.
6. Buenos días, simpatizo con la causa de la oficialidad y estoy pensando ir a la manifestación, pero tengo dudas sobre el ambiente y sobre si es un "rollo" en plan radical.¿qué ambiente esperáis? ¿es un sitio apto para niños o para gente que simplemente queremos que avance nuestra cultura y lengua sin radicalismos?
La manifestación ye autorizada "pa tolos públicos" si por algo se caracteriza'l movimientu de reivindicación llingüística ye pola demostración de que la nuestra reivindicación ye tranquila, paciente, y ensin da-y dengún problema a la sociedá asturiana. Namái queremos que se nos reconoza'l derechu a falar la nuestra lingua llibremente, que podamos siguir flando la lloingua que falaron los nuesos ghuelos, que lleven falando munches xeneraciones d'asturianos. Ye la defensa d'un patrimoniu cultural. Queremos qu'esa llingua la sigan falando los nuestros fíos, que se garantice'l derechu a la educación pa que se sientan arguyosos de la llingua que falen los nuestros mayores. Pa eso la única ferramienta posible ye la oficialidá. Na última manifestación del CAO, fai agora un añu, participaron persones de más de 90 años y tamién bebés de menos d'un añu... Emocionóme especialmente cuando al final vieno la fía de Pachín de Melás, ún de los escritores en llingua asturiana más reconocíos, llorando emocionada al ver que lo que pidíamos yera que la llingua que so pa falara y la qu'ella fala, la llingua na que so pá escribiera fuera oficial y reconocida pola sociedá asturiana, que nun la reconociera cuando él taba vivu y escribía.
7. ¿Habrá tamién que siguir los caminos xudiciales pa llograr reconocimientu alministrativu? ¿Pue ser qu'el Parlamentu d'Estrasburgu tenga daqué que dicir? ¿Nun habría qu'empobinase tamién perehí y nun enfotase tan neciamente na cai? Gracies
La vía xurídica ye mui importante pa dar cobertura y propiciar el desarrollu de la vía política. Dende'l CAO tamos trabayando pa tar presentes n'Europa y nes próximes selmanes va vese el trabayu del CAO nesi sen. Consideramos qu'el conflictu llingüísticu n'Asturies hai qu'amosalu dende distintes perspectives,la negociación colos partíos parllamentarios n'Asturies, la defensa de los derechos nes instituciones europees... La vía xurídica, tanto dientro del estáu como fuera d'él, ye parte de la pluralidá de víes que tien qu'abrir el CAO pa romper la cerrazón de la cúpula de los dos partíos mayoritarios n'Asturies. Dende llueu, vamos dir a Europa a denunciar l'incumplimientu de la carta Europea de les Llingües Rexonales, como yá lo a faciendo, per otru llau, l'Aconceyamientu de Xuristes por Asturianu. Vamos denunciar tamién que nun se cumple lo que diz la UNESCO cuando fala de que la única garantía pala supervivencia de les llingües ye que seyan oficiales.
8. Va ligada la lucha por la llingua con la lucha nacionalista? por mis convicciones desearía que sí pero teniendo en cuenta el antiasturianismo galopante de los partidos PSOE y PP (y en menor medida de IU)temo que los defensores de la cultura y la llingua asturiana acaben por identificarse con el nacionalismo más extremo.¿qué opinas?
La defensa de la llingua asturiana, y de la so oficialidá, nun tien bandera política nenguna. Ye la defensa d'un patrmoniu cultural, una cuestión patrimonial. L'asturianu pertenez al patrimoniu inmaterial, a esa cultura que nun se pue ver pero que se pue sentir a través de la voz y que naide pue monopolizar. Ye un patrimoniu de toos y toes les asturianes, y tamién, nun lo podemos escaecer, un patrimoniu de tola humanidá. A partir d'ehí cualquiera pue defender la llingua dende cualisquier posicionamientu políticu.
9. mas que una pregunta, quiero mandaivos una felicitación desde Bilbao por el vuestru espeñu, espero que algún día, l´asturianu sea llinga oficial. Siento nun poder tar na manifestación pola llingua. Un exiliau más per cuestiones d´emplegu. Nacho
Agradecemos a tolos que tán fuera d'Asturies el sofitu a la llingua y dicímosvos que son munchos los asturianos que cuando tán fuera d'Asturies danse cuenta de lo poco qu'a veces apreciamos lo que tenemos cuando tamos dientro. Ún de los males d'esa manera de ser, ye que namái lo que triunfa fuera d'Asturies apréciase de puertes p'adientro. Por eso tamién pensamos que tenemos que ganar el sofitu de les instituciones europees.
10. ¿Conoce usted algún habitante de Asturias que no sepa expresarse en castellano? Yo no, y llevo 48 años recorriendo todos los pueblos, ciudades y aldeas de la región ¿De qué derechos carece alguien que puede expresarse perfectamente en un idioma que conoce? ¿Por qué no se hace oficial el árabe o el hebreo? Yo conozco a mucha gente que habla estos idiomas, además del castellano. ¿Acaso hay alguna identificación entre un idioma, el asturiano, y una "raza" autóctona, como si las personas fuéramos vacas?
El castellano es una de las lenguas que se hablan en Asturias y el asturiano es la lengua que llevan hablando más de 1000 años los habitantes de esta comunidad. Por lo tanto tenemos el derecho y el deber de proteger esa lengua milenaria garantizar que no se pierda una manera de escribir, de pensar, un tesoro cultural... y ese deber lo tenemos los asturianos. Hacer de menos ese patrimonio cultural y no reconocer los derechos civiles que quieren seguir hablando en esa lengua es un rasgo de discriminación social de un colectivo mayor o menor de ciudadanos de una comunidad.
11. Hola Fernando ¿Ta siendo mui complexa la organización de la manifestación? Paezme bien facer coses vistoses, pero nun ye yá por demás tener que tar andando 8 hores pola oficialidá? Uno ye la vocación de petitentes y otro ye'l sacrificiu autoflaxelatoriu. ¿non? Bueno, a les marches non, pero a la manifestación vamos colos guajes.
Abúltame que ties tola razón. Pero ye una manera d'amosar a la sociedá que podemos facer munches coses, incluso caleyar por esti tema. De toles formes pídote que si pues venir andando lo faigas dende Trubia... son menos kilómetros, la oficialidá bien lo merez.
12. ¿Yes optimista, crees que d'esta va algamase la oficialidá?
Soi optimista, creo qu'esti tema ta bastante maduru. Los partíos mayoritarios, especialmemte'l PSOE tán arrequexaos nun posicionamientu que solo fala d'una supuesta "obligatoriedá" y nun sal d'esi discursu porque nun tien otra argumentacíón, y creo que ye posible entá que nesta reforma estatutaria haya un cambiu de posición del PP y un confilctu internu na FSA. Creo que ye mui importante los congresos que van tener PSOE y PP dempués de les elecciones xenerales.
13. Fernando, soy una compañera tuya de carrera, que empece el curso de especialista en Lengua Asturiana, y por no ser de filología me estoy encontrando con grandes dificultades. No crees que deberian ser mas abiertos y mas flexibles, si se pretende transmitir la nuesa llingua?, o que deberian de hacer esos cursos mas asequibles y extensibles a todos los estudiantes interesados en ellos?. Un saludo.
Un saludu, nun conozo en detalle los cursos. espero que se resuelva'l to problema.
14. Porqué defienden ustedes que no vale la política de promoción para el asturiano?
La política de "promoción" ye la publicación de 200 o 300 llibros al añu una política de subvenciones que conderga al asturianu a la invisibilidá, porque esa llingua que se "promociona" al nun ser oficial, nun se cita enxamás nel restu del estáu, nun la conviden a participar en munchos foros, acutaos pa les llingües oficiales... ye dicir, promocionamos una llingua y depués ocupámonos de facela invisible; nun la fala'l presidente del gobiernu, nin los cargos institucionales (dalgunos sí cuando tuvo IU nel gobiernu). La llamada "promoción" nun garantiza la supervivencia, namás la oficialidá pue garantizar que l'asturianu seya una llingua como les demás, que nun s'incumpla'l derechu a la educación, la presencia nos medios, etc.
15. ¿podría llograse daqué recoyendo firmas? esti sabado podían conseguise un garrapiellu d'ellas...
El CAO lleva a cabu una campaña de recoyida de firmes dende l'añu 2004. Son más de 250 (non 100) les asociaciones firmantes del manifiestu del CAO y munches tamién les persones firmantes a títulu individual. Xente tán estremao como "Leonor de Borbón", "Victor Manuel" y milenta persones que la xente pue pensar que nun tán por esti tema.
16. Hola Fernando ¿Crees, sinceramente que este gobierno apoyará el estatus de oficialidad del asturiano en la próxima reforma? Es una oportunidad histórica, y muchos asturianos no entendemos cómo nuestros propios gobernantes dejan morir una lengua tan legítima como el gallego, el catalán o el euzkara.
Creo qu'esti gobiernu nun va apoyar la oficialidá, pero nun ye'l gobiernu'l que tien qu'iguar la situación,ye'l Parllamentu Asturianu a traviés del posicionamientu de los dos partíos mayoritarios más el de IU que yá sabemos que ye favoratible a la oficialidá.
DespedidaQuiero acabar invitando a la manifestación del sábadu a tolos ciudadanos d'Asturies que sientan la so llingua como un patrimoniu cultural que tenemos que protexer y garantizar que depués de 1.000 años d'existencia. Pa que se pueda tresmitir a les xeneraciones venideres y que podamos siguir falándola anguaño. Dicir a tolos asturiamos que nun val con querer la llingua, dicir que ye entrañable... hai que garantizar que seya útil, que se pueda falar, que se pueda educar a los nuestros fios, que la xente mayor d'Asturies nun muerra pensando que la llingua na que falen ye "falar mal". Necesitamos dignificar el valor cultural mayor d'Asturies. La xente más implicao tien que saber qu'esta manifestación nun va ser la última pero que ye la más importante dende hai 10 años, cuando l'anterior reforma estatutaria. Anímovos a dira a la manifestación y superar les cifres de manifestaciones anteriores. Gracies por tar ehí y defender la llingua asturiana.
