La gaita entra como titulación especializada nos conservatorios

Dende’l próximu cursu los conservatorios d’Uviéu y Xixón van tener inxerta la titulación especializada de gaita asturiana, según la promesa fecha pol conseyeru d’Educación del Principáu, José Luis Iglesias Riopedre, na presentación de los currículos de grau elemental y mediu d’esti instrumentu, ellaboraos por dellos espertos.

Los proyectos curriculares, inda en fase de borrador, tán abiertos agora a les suxerencies de maestros gaiteros, bandes y escueles de gaites.